საქართველოო ლამაზო...

1.პროექტის სახელწოდება:,,რომელი ქვეყანა სჯობია, მაძღარი თუ მრთელი?"

2.პროექტის მთავარი იდეა(თემა) 1-2 წინადადებით: ქვეყნის მომავალმა თაობამ უნდა შეძლოს სამშობლოს თითოეული გოჯი მიწისათვის ბრძოლა, უნდა ესმოდეს, რომ სადაც მათ  მამა-პაპას სისხლი დაუღვრია და დამარხულა, იმ მიწას ედავებიან და არ დაანებოს...

3.პროექტის აქტუალობა:ილია ჭავჭავაძის ,,მგზავრის წერილების'' შესწავლის შემდეგ კლასში ჩავატარეთ დისკუსია თემაზე: ,,საქართველო გუშინ და დღეს''... მოსწავლეებმა მოისურვეს თემის ჩაღრმავება და დაიწყეს მუშაობა პროექტზე. ისინი განვლილი მასალიდან გაიხსენებენ პატრიოტულ თემებზე შექმნილ ნაწარმოებებს, დაახასიათებენ მოქმედ პერსონაჟებს და არგუმენტების საშუალებით გაამართლებენ ან უარყოფენ მათ გადაწყვეტილებებს. სამშობლოსათვის თავდადებული ადამიანები მათ მაგალითის მიმცემად გამოადგებათ ცხოვრებაში და გაითავისებენ, რომ ,,სამშობლო, დედის ძუძუი არ გაიცვლების სხვაზედა."

4.პროექტის მიზნები:სამშობლოსათვის გულანთებული მომავალი თაობის აღზრდა. მოსწავლეებს გამოუმუშავდებათ მსჯელობის, ანალიზის, შეფასების, კვლევის, პრეზენტაციის მომზადების უნარები. დახვეწავენ დისკუსიისა და დებატების გამართვის ხელოვნებას, ისწავლიან სხვისი აზრის პატივისცემას. გაიღრმავებენ ისტ-ის ტექნოლოგიებთან მუშაობის უნარ-ჩვევებს.ჩაერთვებიან ჯგუფურ მუშაობაში.

5.მონაწილეთა ასაკი:X-XI კლასები.

6.ვადები/ხანგძლივობა: 1 თვე.

7.მოსალოდნელი შედეგები/პროდუქტები, რაც შეიძლება შეიქმნას:მოსწავლეები ისტორიულ ლიტერატურაზე დაყრდნობით განიხილავენ XIX-XX საუკუნეების საქართველოს მდგომარეობას და მოამზადებენ პრეზენტაციებს.გამართავენ დებატებს, აიღებენ ინტერვიუებს, შექმნიან სტენდს სათაურით:,,საქართველო, შენ ვინ მოგცა შვილი დასაკარგავი..." ისწავლიან ურთიერთთანამშრომლობას და მოძიებულ მასალებს განათავსებენ ბლოგზე.

8.პროექტისათვის საჭირო ძირითადი რესურსები:კომპიუტერი, ისტორიული ლიტერატურა, ფორმატი,მარკერები,კალამი,თაბახის ფურცლები.

9.პროექტის მსვლელობა(ძირითადი აქტივობები):მოსწავლეები დაიყოფიან ჯგუფებად,აირჩევენ ლიდერებს და დაინაწილებენ სამუშაოებს ინტერესებისა და უნარების გათვალისწინებით.  I ჯგუფი ბიბლიოთეკის საშუალებით მოიძიებს XIX-XX საუკუნეების საქართველოს ისტორიას და მოამზადებს პრეზენტაციებს.II ჯგუფი ინტერნეტის საშუალებით მოიძიებს სურათებს და გააკეთებს სტენდს.III ჯგუფი მოამზადებს მასალებს დებატებისათვის, აიღებენ ინტერვიუებს.მოსწავლეები იმსჯელებენ და საკუთარი პოზიციის გასამყარებლად მოიყვანენ არგუმენტებს.პერიოდულად მოვახდენ მონიტორინგს,რათა არ მოხდეს თემიდან გადახვევა. დასკვნით ნაწილში ისინი გააკეთებენ თვითშეფასებას, მე  კი შევაფასებ მათ შეფასების რუბრიკის მიხედვით.(იხ.შეფასების რუბრიკა)

10.საგნებთან/საგნობრივ ჯგუფებთან/ეროვნულ სასწავლო გეგმასთან კავშირი:

ქართული ენა და ლიტერატურა-მოსწავლეებს გამოუმუშავდებათ კვლევის, ანალიზის, სინთეზის, შეფასების, პრეზენტაციის მომზადების, დისკუსიისა და დებატების გამართვის უნარები. დაეუფლებიან ინტერვიუს აღების ხელოვნებას.ისწავლიან თანამშრომლობას.

ისტორია- გაიღრმავებენ ცოდნას XIX-XX საუკუნეების საქართველოს ისტორიაში.
ისწავლიან წყაროების გამოყენებას.

ხელოვნება -გამოუმუშავდებათ შემოქმედებითი უნარ-ჩვევები.

ისტი-მასალების მოსაძიებლად გამოიყებენ ინტერნეტს, ისწავლიან კომპიუტერთან დამოუკიდებლად მუშაობას და მასალებს ატვირთავენ ბლოგზე.

11.პროექტის ხელმძღვანელი: მაია ხვედელიძე

12.ხელმძღვანელის ელ.ფოსტა:maiaxvedelidze2014@gmail.com

პროექტი

1. პროექტის სახელწოდება: ,,ლეგენდად ქცეული კაცი და მისი აღზრდილები"
2. პროექტის მთავარი იდეა (თემა): ღვაწლმოსილი პედაგოგის,ჩვენი სკოლის ყოფილი დირექტორის, ისტორიკოს ტიტიკო ნოზაძის განვლილი გზა, სოფლის ღირსეულ წარმომადგენელთა უკეთ გაცნობა მომავალი თაობისათვის.
3.პროექტის აქტუალობა: მოსწავლეები  წარმატებულ ადამიანთა ცხოვრების შესწავლით გააცნობიერებენ,რომ მათი ცხოვრების გზა არ ყოფილა ია-ვარდებით მოფენილი, წარმატებებს მხოლოდ დაუღალავი შრომის შედეგად მიაღწიეს,გაუჩნდებათ მათი მიბაძვის  სურვილი და მაგალითის მიცემად გამოადგებათ ცხოვრებაში. მიეჩვევიან
ინფორმაციის მოპოვებასა და გაზიარებას,   პრეზენტაციების მომზადებას.
4.პროექტის მიზნები:მოსწავლეებმა უფრო ახლოს გაიცნონ ამადგარი,    87 წლის მოქმედი პედაგოგი და მისი  წარმატებული აღზრდილები. გამოუმუშავდეთ მათ კვლევის, დისკუსიების გამართვის, ინტერვიუს აღების უნარ-ჩვევები. დამოუკიდებლად შეძლონ კომპიუტერთან მუშაობა.
5.მოსწავლეთა ასაკი:14-15 წელი.
6.ვადები/ხანგძლივობა: 2 თვე.
7.მოსალოდნელი შედეგები: მოსწავლეები ისწავლიან  ურთიერთთანამშრომლობას, ინტერვიუების აღებას, შექმნიან ფოტოალბომს, მოამზადებენ პრეზენტაციებს, მოძიებულ მასალებს განათავსებენ ბლოგზე.
8.პროექტისათვის საჭირო ძირითადი რესურსები:კომპიუტერი,ფანქრები,ფორმატი, კალამი, ფოტოაპარატი,თაბახის ფურცლები.
9.პროექტის მსვლელობა(ძირითადი აქტივობები):ჯგუფებად დაყოფა, ლიდერების არჩევა,აქტივობების განაწილება  სურვილებისა და უნარების  გათვალისწინებით.
 შეხვედრა ტიტე მასწავლებელთან და მისი ოჯახის წევრებთან,ინტერვიუების აღება წარმატებული  თანასოფლელებიდან,  დისკუსიების გამართვა, მოპოვებულ ინფორმაციების და სურათების განათავსება ბლოგზე.ღონისძიების ჩატარება და  გამორჩეულ კურსდამთავრებულთა მოწვევა, ფოტოალბომის შექმნა.
10.საგნებთან /საგნობრივ ჯგუფებთან/ ეროვნულ სასწავლო გეგმასთან კავშირი:ქართულ  ენასა და ლიტერატურაში გამოუმუშავდებათ კვლევის, დისკუსიის გამართვის, პრეზენტაციის მომზადების უნარ -ჩვევები. ხელოვნებაში გამოუმუშავდებათ შემოქმედებითი უნარ- ჩვევები. ისწავლიან კომპიუტერთან დამოუკიდებლად მუშაობას.
11. პროექტის ხელმძღვანელი: მაია ხვედელიძე
12.ხელმძღვანელის ელ. ფოსტა:maiaxvedelidze2014@gmail.com.